Сегіз жастағы қазақстандық шахматшы Ашхабадтағы турнирде чемпион атанды

Турнирге 8, 10 және 12 жасқа дейінгі ұлдар мен қыздар қатысты.

Фото: ҚШФ

Ашхабадта (Түрікменстан) рапид және блиц бойынша балалар арасындағы халықаралық Kids EXPO Chess Cup 2026 турнирі аяқталды, деп хабарлайды Sn.kz ақпарат порталы.

Жарыс 19-20 тамыз күндері «Kids EXPO: бәрі балалар үшін» халықаралық көрме-жәрмеңкесі аясында өтті.

Турнирге 8, 10 және 12 жасқа дейінгі ұлдар мен қыздар қатысты.

Қазақстан құрамасы сапындағы ең үздік нәтижені Закария Амиров көрсетті.

8 жасқа дейінгі балалар арасында ол рапидтен жеті мүмкін ұпайдың алтауын жинап, турнир жеңімпазы атанды.

Закария блиц сайысында қола жүлдеге ие болды.

Қазақстан қоржынына тағы екі медальді 10 жасқа дейінгі қыздар арасында өнер көрсеткен Ақниет Күмісбай салды.