Ақтөбе облыстық мәслихатының депутаты, кәсіпкер Бақытжан Ержанов шартты түрде сотталды деп мәлімдейді ҚазАқпарат.
Ақтөбе облыстық мәслихатының депутаты, кәсіпкер Бақытжан Ержанов Қылмыстық кодекстің «Алаяқтық», «Құқық қорғау органы, арнаулы мемлекеттік орган қызметкерінің, әскери қызметшінің өміріне қолсұғушылық», «Денсаулыққа қасақана ауыр зиян келтіру» баптары бойынша айыпталған болатын. Бұған дейін хабарлағанымыздай, депутат өз әйелінің атындағы шаруа қожалығынан асыл тұқымды малды сатып алып, мемлекеттен субсидия рәсімдеген. Сонымен қатар, қоластындағы жұмысшыны ұрып, прокурорға бейәдеп сөздер айтқан.
Іс материалына сүйенсек, Бақытжан Ержанов Хромтау аудандық прокуратурасының прокуроры Ж. Еспановқа «Жәнібек саған ескертемін, маған жамандық істесең жамандық істеу менің қолымнан да келеді. Маған әлің келмейді» деп өміріне нақты қауіп-қатер төндірген. Бірнеше айға созылған тергеу жұмыстарынан соң іс сотқа жетіп, үкім шықты.
«SN.kz» ақпараттық порталына гиперсілтеме жасалған жағдайда ғана материалдарды қолдануға рұқсат етіледі. Ақпараттан дәйексөз алынғанда міндетті түрде сілтеме жасалуы тиіс. Жазбаша түрде рұқсат берілмеген жағдайда материалдарды коммерциялық мақсаттарға пайдалануға болмайды.
skifnews.kaz@gmail.com
