$ 449.58  486.94  4.86

Нұр-Сұлтанда есірткі саудасымен айналысқан полицейлер ұсталды

Нұр-Сұлтанда қаласында есірткі саудасымен айналысқан полицейлер ұсталды деп хабарлайды ҚР ҰҚК баспасөз қызметі.

Ведомствоның мәліметінше, 2018 жылғы тамызда Қазақстан Республикасының Ұлттық қауіпсіздік комитеті героин өткізуге және лауазымдық уәкілеттіліктерін асыра пайдалануға қатысы бар Нұр-Сұлтан қ. Полиция департаменті Есірткіге қарсы күрес басқармасы бастығының орынбасары М. Кантуриннің және ПД Тергеу басқармасының тергеушісі полиция аға лейтенанты М. Әзімханның заңға қайшы әрекетін анықтап, жолын кесті.

«2019 жылғы 29 наурызда Нұр-Сұлтан қ. қылмыстық істер бойынша мамандандырылған ауданаралық сотының үкімімен М. Кантурин және М. Әзімхан ҚР ҚК 366-бабы 3-бөлімі бойынша, сондай-ақ М. Кантурин қосымша ҚР ҚК 297-бабы 3-бөлімі, 361-бабы 1-бөлімі бойынша кінәлі деп танылып, 10 және 8 жылға мемлекеттік қызметте лауазым атқару құқығынан өмір бойына айырумен қауіпсіздігі барынша жоғары және орташа түзеу колонияларында жазасын өтеумен бас бостандығынан айыруға сотталды»,-делінген хабарламада.

 

 

 

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары