Заң 23.08.2019 сағат 15:30

Қоғам белсендісін өлтіргендер арасында экс-полицей де бар

Ұсталған күдіктілер өзара келіспеушілік салдарынан адам өлтіргендерін мойындап, түсініктеме берді.
Қоғам белсендісін өлтіргендер арасында экс-полицей де бар
Бөлісу
Бөлісу
Бөлісу

Биыл мамыр айында Қарағанды облысы Жаңаарқа ауданы Атасу ауылының тұрғыны Ғалы Бақтыбаевты белгісіз біреулер өз үйінің ауласында атып кеткен еді. Ол оқ тиіп, жарақаттанып жатқан жерінен табылды, деп хабарлады Skifnews.kz ақпарат порталы, ҚР ІІМ баспасөз қызметіне сілтеме жасап.

Ішкі істер министрінің тапсырмасы бойынша аса ауыр қылмысты ашу үшін ІІМ Криминалдық полиция және Қарағанды облысы полиция департаментінің қызметкерлерінен жедел-тергеу тобы құрылды.

Тергеу барысында жедел уәкілдер жәбірленушінің үйінен алынған құжаттарды қарап шығып, қаза тапқан адамның түрлі мемлекеттік органдарға бірнеше рет шағымданғанын анықтады. Өлімнің түрлі себептері тексерілді. Тиісті сараптамалар жүргізілді.

«Жедел-іздестіру және тергеу іс-шараларының нәтижесінде, полиция қызметкерлері 4 жергілікті тұрғынды ұстады. Кейіннен белгілі болғандай, олардың 3-еуі бұрын сотты болғаны және біреуі бұрынғы полиция қызметкері екені анықталды», – делінген хабарламада.

Ұсталған күдіктілер өзара келіспеушілік салдарынан адам өлтіргендерін мойындап, түсініктеме берді.

Қазір күдіктілер қамауға алынды. Қару айғақ зат ретінде тәркіленді. Тергеу амалдары жүргізілуде.

Оқи отырыңыз

загрузка...

Соңғы жаңалықтар

Қызықты материалдар