Соңғы жаңалықтар

Рио2016

Жазира Жаппарқұл әкім берген пәтерді ата-анасына сыйлайтынын айтты

Кеше Оңтүстік Қазақстан облысының әкімі Бейбіт Атамқұлов Рио олимпиадасынан жүлдемен оралған оңтүстікқазақстандық қос спортшыға баспана мен көліктің кілтін сыйға тартқан болатын. Ауыр атлетикадан Олимпиаданың күміс жүлдегері Жазира Жаппарқұл болса 2 бөлмелі осынау пәтерді ата-анасына беріп, өзіне әкімнен алған жол талғамайтын көлікті ғана қалдыратынын айтты.

Қазақстанның спорт министрі өзінің спорттан мүлдем бейхабар екенін көрсетті

22 тамызда ҚР Премьері Кәрім Мәсімов бастаған делегация Оңтүстік Қазақстан облысына келді. Түркістанға барып, зиялы қауыммен кездескен үкімет мүшелерінің қатарында "әйгілі" министр Арыстанбек Мұхамедиұлы да бар. Жиындардың арасындағы үзілісте журналистер онымен сұхбаттасып, кешегі Рио олимпиадасындағы кей жағдайларға қатысты ойын сұраған болатын. Алайда, министрдің жауабын тілшілердің көбі түсіне қойған жоқ.

Рио-2016: Данияр Елеусінов - Олимпиада чемпионы

Риодан сүйінші хабар! Бокстан 69 келіге дейінгі салмақта өнер көрсеткен Данияр Елеусінов Олимпиада ойындарының чемпионы атанды. Финалда өзбек боксшысы Шахрам Гиясовпен кездескен жерлесімізге төрешілер жеңісті бірауыздан берді, есеп 3:0 (29:28, 29:28, 29:28).

Рио-2016: Левит — Тищенко жекпе-жегіндегі соққылардың статистикасы жарияланды

Бокстан Рио олимпиадасының финалында жұдырықтасқан қазақстандық Василий Левит пен орыс боксшысы Евгений Тищенко арасындағы жекпе-жектің статистикалық көрсеткіштері жарияланды. Мәліметтерге сәйкес, Левит қарсыласына қарағанда екі есе көп соққы жұмсаған. Бұл туралы Vesti.kz порталы хабарлап отыр.

Рио-2016: Әділбек Ниязымбетов олимпиада алтыны үшін жұдырықтасады

Қазақстан қоржыны жоқ дегенде тағы бір күміс медальмен толығып отыр. Бокстан 81 келіге дейінгі салмақта өнер көрсететін жерлесіміз Әділбек Ниязымбетов жартылай финалда британ боксшысы Джошуа Буатсиді жеңіп, ақтық сынға жолдама алды.

Рио-2016: Данияр Елеусінов финалға жолдама алды

Риодағы ХХХІ жазғы олимпиада ойындарында 69 келіге дейінгі салмақ дәрежесінде өнер көрсетіп жатқан боксшымыз Данияр Елеусінов ақтық сынға жолдама алды.

Рио-2016: Ольга Рыпакова Қазақстан қоржынына қола жүлде салды (ВИДЕО)

Жеңіл атлетикадан Лондон олимпиадасының чемпионы Ольга Рыпакова Рио-де-Жанейродан да жүлдесіз қайтпайды. Үш қарғып секіруден сынға түскен жерлесіміз үшінші нәтиже көрсетіп, Қазақстан қоржынына қола жүлде салып отыр.

Рио-2016: Жәнібек Әлімханұлы Алжир боксшысын жеңіп, ширек финалға шықты

Бүгін Рио шаршы алаңында 75 келіге дейінгі салмақ дәрежесінде өнер көрсетіп жатқан боксшылар ширек финалдың жолдамаларын сарапқа салды. Алжирлік Аббадимен жұдырықтасқан Жәнібек Әлімханұлы үш раунд бойы қарсыласынан басым түсіп, жекпе-жекті өз пайдасына шешті.

Рио-2016: Данияр Елеусінов пен Джош Келлидің жекпе-жегі (ВИДЕО)

Бокстан Қазақстан ұлттық құрамасының капитаны Данияр Елеусінов Олимпиада ойындарындағы алғашқы жекпе-жегін сәтті бастады. Британдық боксшы Джош Келлимен жұдырықтасқан жерлесіміз қарсыласына мүлдем мүмкіндік бермей, үш раунд бойы айқын басымдықпен жеңіске жетті, есеп 3:0 (30-27, 30-27, 30-27).

Рио-2016: Жазира Жаппарқұл - Рио олимпиадасының күміс жүлдегері

Қазақтың ауыратлет қызы Жазира Жаппарқұл Рио олимпиадасының күміс жүлдегері атанды. 69 келіге дейінгі салмақта өнер көрсеткен жерлесіміз қос жаттығу нәтижесінде 259 келіні бағындырып, тек қытайлық спортшыға есе жіберді.