Жеңіс күніне орай мемлекет тарапынан 500 мың теңге және одан да үлкен сома Нұр-Сұлтан қаласы және ШҚО, Ақмола және Павлодар облыстарының ардагерлеріне беріледі, деп хабарлайды zakon.kz

Қанды оқиға 1 ақпан күні таңертең орын алған. Қылмыскерлер 91 жастағы тыл ардагері, ҰОС мүгедегінің жесірін 8 наурыз көшесіндегі 5 қабатты үйлердің бірінде аяусыз өлтірген деп жазады "Ақтөбе Таймс".

Адамзат тарихында жеңістер көп. Бірақ солардың ішінде мән-маңызы жөнінен шоқтығы биігі – Ұлы Отан соғысындағы Жеңіс. Бейбіт аспан астында өмір сүріп жатқанымызға биыл 70 жыл. Ұлы Отан соғысының жеңімпаздары туралы сөз еткенде қазақстандық ғалымдардың ерлігі туралы да айтпай кету мүмкін емес. Қан майданның алдыңғы шебінде өлімге бас тігіп, ерлік көрсетсе, соғыстан кейінгі жылдары отандық ғылымның дамуына өлшеусіз үлес қосып, мемлекетіміздің өркендеуі жолында аянбай еңбек еткен жанның бірі – Абдулла Арипов.

Оралда жергілікті билік өкілдерінің тыйым салуына қарамастан қала тұрғындары Ұлы Жеңіс күніне арналған автошеру ұйымдастырды деп жазады "Уральская неделя" газеті.

9 мамыр күні шеруге қатысушылар "Дина" сауда орталығының тұрағына жиналды. Олар көліктеріне КСРО туын, Сталиннің суреттерін іліп, түрлі орысша ұрандар жазып алған. Ал, көлік жүргізушілері болса соғыс кезінде жауынгерлердің киген киімдерін киді.

Осылайша бір сапқа түзіліп, қалаға шықпақ болған автокеруеннің жолын сауда үйінің алдында полиция қызметкерлері кесті. Тәртіп сақшылары көліктердің құжаттарын тексеріп, онда ілініп тұрған жалауларды алып тастауын талап еткен. Дегенмен, шараға қатысушы көліктердің көптігінен полиция олардың барлығын тексере алмай, бірнеше топқа бөліп, қаланың әр бұрышына қарай жіберді. Нәтижесінде Орал көшелерімен бірнеше автошеру жүріп өтті.

Батыс Қазақстан облысы бойынша Ішкі істер департаментінің басшысы Махамбет Абисатов биыл не үшін автошеруге тыйым салынғанын былайша түсіндірді:

- Біз аталған жүргізушілерден жол қозғалысына кедергі келтірмеуін сұрадық. Мұндай қоғамдық шаралар жергілікті билік өкілдерінің рұқсатымен өткізілуі тиіс. Олар келісім алмаған, өйткені автошеру өзге жүргізушілердің жүріп-тұруына кедергі келтіреді. Мұнда 50 автокөлік жиналып тұр. Ал, қалада 200 мың көлік пен 300 мың тұрғын бар, осы 50 көлік үшін қалғандарын ыңғайсыз жағдайда қалдыра алмаймыз" деді ол.

Жеңіс күні қарсаңында Оңтүстік Қазақстан облысындағы Түлкібас ауданында екі мектепке Ұлы Отан соғысына қатысып, болашақ ұрпағына бейбіт күнді сыйлаған ардагерлердің есімі берілді.

Кемербастау ауылындағы жақында салынған жаңа мектеп енді Кеңес Одағының батыры, генерал-майор Сабыр Рақымовтың атымен аталатын болды. Ал Абайыл стансасындағы бастауыш мектепке осы оқу ошағында 40 жыл ұстаздық еткен Нұрлыбай Қасымбековтің есімі берілді.

Тау бөктерлей орналасқан Кемербастау ауылындағы мектепте 300-ге тарта бала оқиды. Білім ошағына батыр есімін беру туралы біраз уақыттан бері айтылып келген екен. Ауыл азаматтары хат жазып, ауданға, онамастикалық комиссияға жіберіпті. 27 сәуір күні Үкіметтің қаулысы шыққан.

Қайрат Әбдуәлиев, Түлкібас ауданының әкімі:

- Жаңа мектеп, заманауи мектепке батыр атамыздың аты берілгеніне қуаныштымыз. Өйткені келешек ұрпаққа, жастар тәрбиесіне, патриоттық сезімді орнықты етуіне сеніміміз мол.

Мектеп алдына батырдың бюсті орнатылып, ресми түрде ашылды. Ал Абайылдағы бастауыш мектепте соғыстан оралған соң сабақ беруді бастаған Нұрлыбай Қасымбеков, тапжылмай сол мектепті 40 жыл басқарған. Жұбайы Болай да осында ұстаздық еткен.

Мархабат Байғұт, жазушы:

- Бауыржан Момышұлының қарамағында болған, соғысқан. Нұрлыбай мен Болайдың осы мектепте болашақ ұрпақты тәрбиелегені бір төбе, одан кейін екеуінің аты-жөні осы ауданға, аймаққа, облысқа үлгі-өнеге болған ғой.

Нұрлыбай Қасымбеков Қазақ Кеңес Социалистік Республикасы білім беру ісінің үздігі. Оның білім беру әдістері өзге мектептерге таратылып тұрған. 10 ұл-қызының барлығы да жоғары білімді.

Жақсыбай Қасымбек, Н.Қасымбековтің ұлы, техника ғылымдарының докторы:

- Мұғалімнің баласы болу, мен сізге айтайын, оңай емес, қиын. Ол әкеге байланысты. Біздің әкеміз өте қатал талап қоятын, өзіне де, өзгеге де, өзінің балаларына да, оқушыларына да бірдей талап қоятын. Бізді балам деп ешқашан жеңілдік жасамаған.

Мектеп ұжымы болса, ардагердің аты берілгені жауапкершілік жүктейтінін айтады. 

24kz