Дональд Трамптың үстінен қылмыстық іс қозғалды

Дональд Трампқа қарсы қылмыстық іс қозғалды. Мұндай шешімді Нью-Йорк сотының қазылар алқасы шығарды, деп хабарлайды Хабар 24 арнасы.

АҚШ тарихында алғаш рет бұрынғы президентке қарсы қылмыстық айып тағылды. Жалпы Дональд Трамқа қарсы бірнеше іс бойынша тергеу жүріп жатыр. Мәселен, әділет министрлігі экс-президент қызметінен кеткен соң Флоридадағы саяжайында құпия құжаттарды сақтады деп айыптады. Конгресс комитеті болса Трамп жақтастарының Капитолийге шабуылын тексеріп жатыр.

Сондай-ақ бұрынғы президенттің 2016 жылғы сайлау науқаны кезіндегі қаржылық есептері күмән тудырған.