Әлем 08.01.2020 сағат 12:40

АҚШ-тың әскери базасына жасалған шабуылдан 80 адам қайтыс болды - Иран БАҚ

Бұған дейін америкалық тарап АҚШ әскерилері зардап шекпегенін хабарлаған еді.
АҚШ-тың әскери базасына жасалған шабуылдан 80 адам қайтыс болды - Иран БАҚ
Фото: Ruptly
Бөлісу
Бөлісу
Бөлісу

Иранның бұқаралық ақпарат құралдары АҚШ-тың әскери базасына зымыранмен жасалған соққыдан 80 адам қайтыс болғанын хабарлады. 

РИА Новости ақпарат агенттігінің хабарлауынша, ирандық Press TV телеарнасы Ирактағы АҚШ-тың әскери базаларына жасалған соққыдан 80 адам қаза тапты деген мәлімет таратқан. 

"Ирактағы америкалық базаларға жасалған зымыран соққысынан сексен адам қаза тапты", - деп жазылған телеарнаның Twitter парақшасында.  

Бұған дейін америкалық тарап АҚШ әскерилері зардап шекпегенін хабарлаған еді.

Айта кетейік, Иран Америка әскерилері орналасқан Ирактағы "Айн-әл-Асад" әскери базасына зымыранмен соққы жасады. CNN мәліметінше, базадағы ақпарат көздері кем дегенде 13 зымыранның дәл тигенін растаған, бұған дейін Иран аумағынан кем дегенде 30 зымыран ұшырылғаны туралы хабарланды. 

Иран тарапы бұған дейін генерал Касем Сулейманидің өлімі үшін кек қайтаратынын мәлімдеген еді. 

Иран сыртқы істер министрлігінің басшысы Мұхаммад Джавад Зариф зымыран соққысын өзін-өзі қорғау шарасы деп атады.

Ал Америка Құрама Штаттарының президенті Дональд Трамп сәрсенбі таңертең Иранға қатысты мәлімдеме жасайтынын хабарлады.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар