$ 442.05 € 474.14 ₽ 4.74
Теміртауда 2 жасар қызын анасы тастап кетті etemirtau.kz.
«Қорғаншылық және қамқоршылық көрсету орталығының басшысы Жұлдыз Арилинаның айтуынша, жас ана белгісіз әйелге өзінің маңызды кездесуге баратынын айтып, қызын қарай тұруын өтінген. Содан кейін қызын алып кетуге келмепті.
«Қыздың анасын әйел біраз уақытқа дейін күткен. Келмеген соң полицияға хабарлаған. Құқық қорғаушылар келіп, қызды ауруханаға жеткізді. Әйел болса жас ананы өзі де іздестіруге көшкен. Сәбиді анасына қайтармаймыз. Егер баласын бағуға жағдайы жоқ болса, онда өз қамқоршылығымызға аламыз» – дейді Жұлдыз Арилина.
Мамандардың айтуынша, тастанды сәбидің денсаулығы жақсы. Жақын күнде оны балалар үйіне апаратын болады.
Полиция көкек ананың 1992 жылғы Қарағандының тумасы екенін анықтады. Оған хабарласып, қызын алып кетуін айтқан. Алайда, жас ана қызы екеуінің құжаттары жоқтығын алға тартыпты. Ендігіде жас ана әкімшілік жазаға тартылуы мүмкін.
