$ 448.89  477.93  4.76

Алматыда жігітпен кездесуге барған қыз қайтыс болды

Алғашында қыз оны тыныштандыруға тырысқан. Алайда кейін 102 нөміріне қоңырау шалыпты.
Фото: pixabay.com
Фото: pixabay.com

Алматыда жігітпен алғашқы кездесуге барған қыз қайтыс болды. Журналист Сандуғаш Дүйсенова қайғылы оқиғаның мән-жайын желідегі парақшасында жазды. Журналистің жазбасына сүйенсек, бастапқыда қыз бен жігіт тыныш сөйлесіп отырған, деп хабарлайды Skifnews.kz ақпарат порталы.

Оның сөзінше, оқиға 16 қазанда кешке болған.

Алматы кафесінің біріндегі жігітпен танысу ол үшін өмірінің соңғы күні болады деп кім ойлаған? Алдымен, олар тыныш сөйлесіп отырған.  Кейінірек ер адам өз әрекеттерін бақылай алмаған. Алғашында қыз оны тыныштандыруға тырысқан. Алайда кейін 102 нөміріне қоңырау шалыпты.

Кафедегілер ер адам оны сыртқа шығарып алғанын көрген, бірақ ешкім араласпаған. Қазір көшеде не болғанын нақты ешкім білмейді, бірақ 20 минуттан кейін бұған дейін шақырылған полиция қызметкерлері қыздың денесін тапқан. Қыз жұмысбасты болған. Ол фармацевтикалық компанияның директоры лауазымына дейін өскен. Ал өзі үшін өмір сүретін уақыт келгенде, оның өмірі осылай аяқталды.

Қызды кеше жерледі. Ата-анасы әлі қайғыдан қан жұтып отыр. Олар тек әділдік салтанат құрғанын қалайды, - деп жазды Дүйсенова әлеуметтік желідегі парақшасында

Журналистің жазуынша, қайтыс болған қыздың ата-анасы қылмыстық істі дұрыс қарамауы мүмкін деп күдіктеніп отыр. 

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары