Елбасы театрлардағы тарихи қойылымдардың маңыздылығын атап өтті

Мемлекет басшысы Нұрсұлтан Назарбаев бүгін театр қайраткерлері одағының төрағасы Тұңғышбай Жаманқұловты қабылдады, деп хабарлайды Skifnews.kz.

Ақорданың баспасөз қызметі мәлімдегендей, кездесуде театр өнерін дамытудың негізгі аспектілері, театрлардың репертуар саясаты және олардың шығармашылық деңгейін одан әрі көтеру мәселелері қаралды.

Нұрсұлтан Назарбаев елдегі мәдениет пен өнер саласының жүйелі дамуын айта келе, тарихи тақырыптарға арналған қойылымдардың маңыздылығын атап өтті.

Т.Жаманқұлов өзі басқаратын одақтың қызметі, сондай-ақ отандық театрлардың, соның ішінде өңірдегі театрлардың жұмысы туралы баяндады.