«Мен үшін бірінші орын деп білемін»: Димаш Ержан Максимді жеңісімен құттықтады

Әнші Димаш Құдайберген «Junior Eurovisin» байқауына қатысқан Ержан МАКСИМДІ жеңісімен құттықтады, деп жазады "ЖасАлаш" басылымы.

Ол өзінің Instagram парақшасында «Құлыншақ, жеңісің құтты болсын! Екінші орын емес, мен үшін бірінші орын деп білемін. Жарайсың, балапан!»,- деп жазды.

Естеріңізге салайық, Польшаның Гливиц қаласында өткен «Junior Eurovisin» байқауында 227 балл жинаған Ержан Максим екінші орын алған. Бірінше орынды байқау қожайыны Викторий Габор иеленді. Музыкалық байқаудың биылғы финалына 19 орындаушы қатысты.  

«Junior Eurovisin» байқауы 2003 жылдан бері жыл сайын өтіп келеді. Оған «Еуропа хабар тарату одағына» мүше елдердің 15 жасқа дейінгі балалары қатыса алады.