«Орыстар үшін біз малдың қатарындамыз»: Нұртас Айдарбеков ресейліктерді пәтеріне кіргізгендерге шүйлікті

Ресейдегі мобилазиция салдарынан елдегі баспана нарығының өзгеруі соңғы күндері Қазнеттегі басты тақырып. Қарапайым халықтан бастап, танымал тұлғалар мен блогерлер аталған жайтқа қатысты түрлі пікірлерін білдіруде. Мәселен, Қайрат Нұртастың әкесі ресейліктерді пәтеріне кіргізіп, өз отандастарын далада қалдырған қазақстандықтарға шүйлікті, деп хабарлайды Stan.kz ақпарат агенттігі.

Ашуға булыққан Нұртас Айдарбеков ресейліктердің қазақтарды менсінбейтінін ашық айтып, оларды шаңыраққа кіргізбес бұрын жақсылап ойлану керектігін мәлімдеді.

«Құрметті менің қазағым және кеңес одағын көрмеген жас буындар! Мен негізі ұлтшыл адамға жатпаймын, бірақ кеудемдегі қазақ деп соғатын жүрегімді жер астына жерлей салуға бүгінгі таңда басымды кесіп алса да дайын емес екендігімді жария етуге дайынмын.

Құрметті ағайын, біздің қазақ қонақжай иә, бірақ басыңа шығып, кеше ғана қазақта жер жоқ, оларға орыс жерді сыйлық етті деп айқайлап, менің бабамның қол астында кезінде құл болғандардың айтқан сөзін ести отырып, неге біздің жастарымыз, әсіресе мына солтүстік және Орал қаласының блогерсымақтары соншама асты-үстіне түсіп жағдай жасап жатырсыздар?

Тағы да қайталап айтамын, мен ұлтшыл не болмаса жүрегі жоқ адам емеспін. Бірақ біз неге сондай басымызға теуіп жатқан халықты қойнымызға аламыз? Қайда біздің ата-бабадан қалған қасиетіміз? Жандарым-ау, өз қазағыңды екі күндік артық пайда үшін пәтеріңнен шығарып, жауды кіргізіп соншама не көрінді? «Жауды аяған жаралы» деп мен айтқан жоқпын, атаң қазақ айтқан.

Мүмкін біреулер мені: «Әрине бұның қарны тоқ, ақшасы көп, сосын үйінде жатып алып айта береді», деп айтар. Кешіріңіз, менің Нұртас болғаным кеше, және менің қарнымның тойғаны да кеше, мойындаймын. Тек менің айтарым, қазақтың байына да, кедейіне де ешкім бір нәрсені қараптан қарап әкеліп берген жоқ, сөзімнің мағынасын ұғынған боларсыз. Жалпы мен бір қазақ маған қол ұшын созбады деп ешкімге өкпелеген жан емеспін. Тек әуелі Алла, содан соң қара тер.

Бұл жерде айтқым келгені ағайын, «орыстан болса жолдасың, ай балтаң болсын жаныңда" деген сөзді атаң сенің айтып кеткен. Мұның ішінде, әсіресе Мәскеулік және Питрлік орыстар үшін, біз қазақ ұлты малдың қатарындамыз. Бұл жайында мен өте көзіммен көріп, жүрегіммен сезінген адаммын. Ал қазағым ойлан. Қазақ қонақжай деген екен деп, кешіріңіздер қатты кетсем қаным қайнап, ұлы сөзде ұят жоқ дегендей, көтке кіргеннің де жөні болатын шығар, кешіріңіздер ағайын!», - деп жазды Нұртас Айдарбеков желіде.