Қазақстандағы АЭС құрылысының құны 15 млрд долларға жетті

«КАЭС» компаниясының басшысы Ернат Бердіғұловтың айтуынша, бұл сома түпкілікті емес, деп хабарлайды Skifnews.kz ақпарат порталы. 

– Бүгін жарияланған құн – индикативтік көрсеткіш. Ол Ресейден межүкіметтік экспорттық несие алу шарттарын анықтау үшін қолданылады. Ал нақты баға іздестіру жұмыстары мен техникалық шешімдерге байланысты айқындалады, – деді ол.

Қазақстанның атом энергиясы агенттігі төрағасының орынбасары Асет Махамбетовтың сөзінше, үшінші станция бойынша барлық вендорлармен жұмыс жалғасып жатыр. Ал басым серіктес ретінде Қытай компаниясы қарастырылуда.