Ақтөбе облысында прокуратура қызметкері ұсталды

Ақтөбе облысында сыбайлас жемқорлық қызметі прокуратура қызметкерін ұстады, деп хабарлайды Sn.kz ақпарат порталы.  

Прокурор 17 ақпанда ұсталған.

"Ұлттық қауіпсіздік комитетінің сыбайлас жемқорлыққа қарсы орталық аппараты мен Бас прокуратураның өзіндік қауіпсіздік департаменті бірлесіп, Ақтөбе облысы прокуратурасының қызметкерін ұстады", - дейді прокуратура.

Әлеуметтік желіде прокурор ірі көлемде пара алған деген ақпарат тарады. Ол облыс аудандарының бірінде болған қылмыстық істі тоқтатуға уәде берген.

Қазіргі таңда тергеу әрекеттері жүргізіліп жатыр.