Қызылордалық мектептер 12 жылдық білім беру жүйесіне көшуде

Қызылордада екі мектеп 12 жылдық білім беру жүйесіне көшті, деп хабарлайды Skifnews.kz.

Қала әкімдіктің баспасөз қызметі мәлімдегендей, 12 жылдық білім беру жүйесіне көшу жоспары бойынша, 2014-2015 оқу жылының 1 қыркүйегінен бастап, Қызылорда қаласындағы №2 «Мұрагер», №233 орта мектеп базасында эксперимент жұмыстары басталды.

«Эксперимент бағдарламасы, іс-әрекет және жұмыс жоспарлары ҚР Білім және ғылым министрлігінің тиісті нормативтік құжаттарына сүйене отырып жасалды», делінген хабарламада.