$ 444.32 € 473.33 ₽ 4.76
Ағымдағы жылдың 14 желтоқсанда Астана станциясының перронынан, ал 15 желтоқсаннан бастап Защита станциясынан (Өскемен) «Астана-Өскемен» бағытындағы жаңа пойыз жолға шықты, деп хабарлайды Skifnews.kz Астана қаласының ресми сайтына сілтеме жасап.
«Тұлпар-Тальго» вагондарынан жасақталған «Астана-Өскемен» бағытындағы №68/67 жолаушылар пойызы аптасына үш рет қатынайды.
Жаңа пойызды аттандыру және қарсы алу шараларына теміржол саласының еңбек сіңірген ардагерлері, Астана, Шығыс-Қазақстан облысы әкімдіктерінің өкілдері, «Жолаушылар тасымалы» АҚ басшылығы қатысты.
Пойыз 23 вагоннан тұрады, оның ішінде 19 «Турист», 1 вагон ресторан, 1 вагон-бар және 2 техникалық вагон.
Құрам Ерейментау, Екібастұз-1, Павлодар, Ақсу-2, Дегелең, Семей, Шар станцияларына аялдайды. Өскеменге дейінгі жол 16 сағат 50 минутты, қайтар жол 16 сағат 45 минутты құрайды.
