$ 449.58  486.94  4.86

Қазақ-қырғыз шекарасында есірткі тасымалдаған ресейлік ұсталды

Қазақ-қырғыз шекарасындағы «Қарасу» өткізу бақылау бекетінде қазақстандық шекарашылар кеден қызметкерлерімен бірлесе отырып есірткі тасымалдаушы Ресей Федерациясының азаматын ұстады. 52 жасар ресейлік жүргізіп келе жатқан «Шевролет - Нива» автокөлігінде қолға түсті, деп хабарлайды Skifnews.kz.

ҚР Ұлттық қауіпсіздік комитетінің шекара қызметінің мәліметінше, аталмыш машинаны инспекциялық-жете тексеру кезінде, жанармай жүйесі ретінде қолданылатын газ балонының ішінен есірткілік зат – героин табылды.

«Жалпы саны 28 түйіншекті таразыға тартып жібергенде 25 килограмға жуықтады. Одан әрі тексергенде цилиндрлі формадағы пакет табылып, одан 3 килограмм болатын түр-түсі «гашишке» ұқсайтын зат шыға келді», делінген хабарламада.

Қазіргі уақытта аталған іс бойынша тергеу амалдары жүргізілуде.

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары