Арыс қаласындағы қария снаряд құлаған үйінде жалғыз қалған (ВИДЕО)

Арыс қаласындағы жарылыс кезінде үйінің жанына снаряд құлаған қарияға полицейлер дер кезінде көмектесті, деп хабарлады Түркістан облыстық полиция департаменті. 

«Мына Арыс қаласы тұрғынының үйінің жанына снаряд құлаған. Қатты жарылыс үйінің шатырын жұлып кеткен. Дер кезінде жеткен полицейлер жарақаттанған ер азаматқа көмек берді», - деп жазылған Түркістан облыстық полиция департаментінің Facebook-парақшасында.

Видеода екі полицей қарияны қирап қалған үйден жетектеп алып шыққан. Қарт кісі жарылыс басталғанда үй ішінде қалып кеткен екен.