Қазақстаннан шығаруға тыйым салынған тауарлар тізімі бекітілді

Ауыл шаруашылығы жануарларын әкетудің кейбір мәселелері туралы ҚР Ауыл шаруашылығы министрінің 2021 жылғы 11 наурыздағы №68 және ҚР Қаржы министрінің 2021 жылғы 11 наурыздағы №207 бірлескен бұйрығы шықты.

Бұйрықпен Қазақстан Республикасының аумағынан алты ай мерзімге әкетуге тыйым салынған тауарлар тізбесі бекітілді.

Ол тізбеге ірі қара малдың аналық басы мен ұсақ малдың аналық басы енді.

Бірлескен бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.