Қызылордалық оқушыларға мектепке смартфон алып кіруге тыйым салынды

Бұдан былай Қызылорда облысындағы барлық мектептерге смартфон алып кіруге тыйым салынады. Бұл ережеге оқушылармен бірге мұғалімдер де бағынуы тиіс деп жазады kyzylorda-news.kz порталы.

Қызылорда облысының прокуратурасынан хабарлағандай, оқушылар мен ұстаздарға смартфон қолдануға тыйым салу құқық бұзушылықтьың алдын алуға септігін тигізеді. Бұл шараны жүзеге асыру үшін әкімдіктен 900 млн теңге қаржы бөлу жоспарланып отыр. Соның ішінде мектепке кірген бетте тапсырылған смартфондарды сақтайтын арнайы жабдық алу көзделген»,- деп жазылған прокуратура хабарламасында.

«Республикада алғаш рет Қызылорда облысындағы 299 мектепте смартфон қолдануға тыйым салынып,тек «қоңырау шалу/жауап беру/СМС» функциялары бар телефон ұстауға рұқсат. Бұл смартфон әрдайым интернетке қосулы болғандықтан білім беру процесіне бөгет жасауына байланысты», - дейді прокуратурада.

Аймақтық прокурорлардың мәліметі бойынша, «ВКонтакте» әлеуметтік желісіне мониторгинг жасау барысында Қызылорда облысының 106 баласы суицидке итермелейтін топтарға тіркелген болып шықты.

«Балаларды суицидке итермелейтін 13 интернет қауымдастық анықталды, оған Қызылорданың 26 мектебінен оқушылар тіркелген», - деп түсіндірді прокуратурада.