Жаңалықтар 28.07.2014 сағат 09:10

Алматы облысында жаңбырдың салдарынан сел жүруі мүмкін

Алматы облысында төтенше ескерту жарияланды, деп хабарлайды Skifnews.kz

Бөлісу
Бөлісу
Бөлісу

Қалалық төтенше жағдайлар департаментінің баспасөз қызметі мәлімдегендей, 28 шілде күні жаңбырдың толассыз жаууына байланысты Алматы облысының жекелеген таулы өзендерінде су тасқыны болып, сел жүруі мүмкін.

«Соған байланысты Алматы қаласының тұрғындарынан тиісті қауіпсіздік шараларын қолға алып, таулы өңірлерге серуендеуге бармауды сұраймыз», делінген хабарламада.

Сонымен қатар, Жамбыл облысында да осындай ескерту жарияланып отыр.

Синоптиктердің болжамы бойынша, бүгін аталған өңірде оңтүстік-батыстан соққан желдің екпіні секундына 18-23 метрге жетеді, кей жерлерде 30 м/с жылдамдықпен жел соғады. Облыс орталығы - Таразда қатты жел соғуы мүмкін.

Еске сала кетсек, Қазгидрометтің хабарлауынша, шілденің соңғы күндері жаңбырлы әрі салқын болады. Жоғары температура тек батыс аймақтарда ғана байқалады. Мұндай ауа райы Батыс Сібірден келген циклонның әсерінен қалыптасады.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар