Жаңалықтар 19.07.2022 сағат 14:40

Әлихан Бөкейханның ескерткішін орнату үшін кәсіпкерден пара алған шенеунікке үкім шықты

Сот Самал Бегалинованы Қылмыстық кодекстің 366-бабының 2-бөлігі бойынша қылмыстық құқық бұзушылық жасағаны үшін кінәлі деп таныды.
Әлихан Бөкейханның ескерткішін орнату үшін кәсіпкерден пара алған шенеунікке үкім шықты
Фото: ulysmedia.kz
Бөлісу
Бөлісу
Бөлісу

Павлодар мектебіне Әлихан Бөкейханның бюстін дайындау үшін кәсіпкерден пара алған шенеунік кінәсін мойындады, деп хабарлайды Ulysmedia.kz.

Павлодар облыстық мәдениет, тілдерді дамыту және мұрағат ісі басқармасының басшысы Самал Бегалинова 1 млн теңге пара алды деген күдікке ілінген болатын. Ол аталған сомаға компаниямен Павлодар мектебіне Әлихан Бөкейханның бюстін дайындау және оны кедергісіз қабылдау туралы шарт жасасқан.

- Сот Самал Бегалинованы Қылмыстық кодекстің 366-бабының 2-бөлігі бойынша қылмыстық құқық бұзушылық жасағаны үшін кінәлі деп таныды және оған 3 жыл мерзімге бас бостандығынан айыру түрінде жаза тағайындады. Сондай-ақ мүлкін – сыбайлас жемқорлыққа қарсы комитеттің облыстық департаментінің заттай дәлелдемелерді сақтау камерасында тұрған миллион теңгені тәркілеу туралы үкім шығарды, - деп хабарлады №2 Павлодар сотының судьясы Әсемқоңыр Сайран.

Сондай-ақ, Бегалинова өмір бойы мемлекеттік қызметте, жергілікті өзін-өзі басқару органдарында, Қазақстанның Ұлттық Банкі мен оның ведомстволарында қызмет атқару құқығынан айырылды.

Экс-шенеуніктің өзі жалғыз тәрбиелеп отырған 2 баласы (4 және 12 жастағы) болуына байланысты бас бостандығынан айыру жазасын өтеуі 5 жылға (ҚК 74-бабының 1-бөлігі негізінде) кейінге қалдырылды. Ол жазасын қауіпсіздігі орташа қылмыстық-атқару жүйесі мекемесінде өтемек.

 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар