Жаңалықтар 08.08.2022 сағат 13:00

Жыл басынан бері 71 мыңға жуық ресейлік елімізде жеке сәйкестендіру нөмірін алған

519 ресейлік Қазақстан азаматтығын алған.
Жыл басынан бері 71 мыңға жуық ресейлік елімізде жеке сәйкестендіру нөмірін алған
Бөлісу
Бөлісу
Бөлісу

Биыл жыл басынан бері 70 854 Ресей азаматы мен 1 467 Украина азаматы Қазақстанда жеке сәйкестендіру нөмірін алды, деп хабарлайды Halyq Uni тілшісі.

«Жыл басынан бері Ресей Федерациясы азаматтарына – 70 854, Украинаның 1 467 азаматына ЖСН берілді. Ресей Федерациясының 519 азаматы және 7 украиналық Қазақстан Республикасының азаматтығына қабылданды», – деді редакцияның ресми сауалына жауап берген ішкі істер ведомствосы.

Сондай-ақ министрлік Ресей мен Украина арасындағы әскери қақтығыс басталған 2022 жылдың 24 ақпанынан бері 69 172 ресейлік пен 1 353 украиналық Қазақстанда ЖСН алғанын атап өтті.

Айта кетерлігі, шетелдіктерге Қазақстан ЖСН-і банктен шот ашқанда, жұмысқа тұрып, автокөлік сатып алатын кезде қажет. Бұған дейін шетел азаматтарына сәйкестендіру нөмірін egov порталында онлайн беру қызметі қазанға дейін тоқтатылды. Алайда халыққа қызмет көрсету орталықтарында шетелдіктерге ЖСН беру жалғасып жатыр.

Украинадағы соғыс басталғалы Ресейден келімсектер көбейіп, БАҚ беттерінде олардың әр түрлі заң бұзушылықтармен көзге түскені бірнеше рет айтылды. Мәселен, бұған дейін елордада қоғамдық орында бір топ жас сепаратизмді насихаттайтын ән орындаған болатын.

 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар