Әлеумет 09.05.2020 сағат 14:50

Су тасқынының салдарынан болған егін-мал шығындары өтеледі

Қосымша шот ашудың қажеті жоқ. Су тартылғаннан кейін Ауыл шаруашылығы министрлігінен арнайы мамандар келіп, жердің құрамын, зақымданған күйін тексереді.
Су тасқынының салдарынан болған егін-мал шығындары өтеледі
фото: turkistan.gov.kz
Бөлісу
Бөлісу
Бөлісу

Мақтаарал ауданында жалпы көлемі - 7639 гектар ауыл шаруашылығы жерлері зақымданған. Ал мал шығыны 297-ні құрады. Барлық шығындар есептеліп, Үкіметке ұсынылды. Алдағы уақытта өтемақы жасалатын болады. Бұл аймақтың Ауыл шаруашылығы басқармасының басшысы Нұрбек Бадырақов мәлімдеді, деп хабарлайды Skifnews.kz ақпарат порталы, Түркістан облысының Өңірлік коммуникациялар қызметіне сілтеме жасап.

«Ауданда 11 елдімекеннің егістіктері зақымданған. Жалпы 1 мыңнан астам ауылшаруашылығы тауар өндірушілер тізімі жасақталды. Біз 7639 гектар егістіктің шығынын 4 млрд 1 млн теңге көлемінде есептеп, Үкіметке ұсындық. Комиссия шешімі бойынша әр дақыл түріне орай өтемақы жасалады. Ал ветеринариялық жағдай бойынша 297 мал зардап шеккен: 58 бас сиыр, 227 қой-ешкі, 16 жылқы, 2 түйе және 227 үй құстары суға аққан. Барлығын жою жұмыстары жүріп жатыр. Мал шығынын өтеу үшін нарықтағы баға бойынша 32 млн теңге шығынды есептеп, Үкіметке ұсынып отырмыз», - деді басқарма басшысы.

Тағы оқи отырыңыз: «Мақтаарал ауданының су тасқынынан зардап шеккен тұрғындары баспанамен қамтамасыз етіледі» - Тоқаев

Басқарма мамандары өлген әр малдың фотосын түсіріп, актісін дайындауда. Мал мен егіннің өтемақылары төтенше жағдайға байланысты ашылатын азаматтардың жеке шоттарына аударылады. Қосымша шот ашудың қажеті жоқ. Су тартылғаннан кейін Ауыл шаруашылығы министрлігінен арнайы мамандар келіп, жердің құрамын, зақымданған күйін тексереді.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар