$ 448.15  483.46  4.86

Асқар Мамин бастаған біраз шенеунік сотқа шақыртылды

Оның ішінде Бақтыбек Жұмаділ, Бағдат Мусин, Марсело Бортман, Тамара Дүйсенова, Ералы Тоғжанов бар.

Нұр-Сұлтанда бұрынғы денсаулық сақтау министрі Елжан Біртанов пен вице-министр Олжас Әбішевке қатысты сот процесі жалғасып жатыр.

Біртанов сотқа бірнеше қазақстандық шенеунікті куәгер ретінде шақыруды сұрады.

    «Отырысқа куә ретінде мына тұлғаларды шақыруды сұраймын:

    Бақтыбек Жұмаділ – Халықаралық Қайта Құру және Даму Банкінің жобаның бас маманы, конкурстық рәсімдерді жүргізу, өнім берушіні таңдау, келісім-шарттарға, келісімдерге қол қою, келісім-шарттың орындалу мерзімін ұзарту және келісім-шарттарды аяқтау мәселелері бойынша;

    Марсело Бортман – Халықаралық қайта құру және даму банкінің денсаулық сақтау жобасының жетекші маманы, сол мәселелер бойынша;

    Бағдат Мусин – 2020-2022 жылдарға арналған тұғырнаманы іске асырудың жол картасын бекіту туралы Денсаулық сақтау министрлігімен бірлескен бұйрыққа қол қою және іске асыру жағдайлары туралы, сондай-ақ басқа да денсаулық сақтауды цифрландыру жобалары іс бойынша өзекті;

    Тамара Дүйсенова – бұрынғы Денсаулық сақтау және әлеуметтік даму министрі, 2015 жылы интерактивті платформаны әзірлеуге конкурс өткізу, «Ericsson Никола Тесла» компаниясымен келісімшартқа отыру, оған өзгерістер енгізу және 2017 жылдың қаңтарына дейін келісім-шартты іске асыру жағдайлары туралы;

    Ералы Тоғжанов – Премьер-Министрдің орынбасары, Хорватия Елшілігінің, «Эриксон Никола Тесла» компаниясының өкілдерімен, ICRIAP және Денсаулық сақтау министрлігінің өкілдерімен 2021 жылдың қазан айында жүргізілген келіссөздердің мән-жайына сәйкес ол келіссөздердің мән-жайлары және онда қабылданған шешімдер;

    Асқар Мамин 2020 жылғы 12 және 13 маусымда Жамбыл облысына іссапардың мән-жайына байланысты, оның ішінде санитарлық авиациямен Нұр-Сұлтанға бағыт-бағдар беріп, қайтып оралуыма байланысты бұрынғы премьер-министр болып табылады» деп толықтырды Біртанов өтінішті.

    Сот Біртановтың өтінішін қанағаттандыру және аталған тұлғаларды куә ретінде шақыру туралы шешім шығарды. Еске салайық, Біртановтың ісі бойынша басты сот отырысы 26 мамырда басталды. Сотқа адвокаттармен бірге экс-министрдің өзі келген.

Өткен бірнеше отырыстарда адвокаттар судьяға екі рет шағым түсірді. Сонымен қатар істің көптеген томдарын зерделеуге үлгермегендіктен, сот процесін тоқтатуды сұрады.

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары

Тегтер:

#Асқар Мамин