«Ақтөбе» мен «Легия» фанаттары төбелесіп қалды

«Осы жылдың 20 тамызында шамамен кешкі сағат 23.00-де Әбілхайыр хан даңғылында «Легия» футбол клубының жанкүйерлері мен қала тұрғындары арасында қақтығыс орын алды», делінген Ақтөбе облыстық ІІБ-ның хабарламасында.

Қазіргі уақытта аталған іс бойынша қосымша тергеу жұмыстары жүргізілуде. Қақтығыстың себеп-салдары анықталуда.

Ал, «Ақтөбе» мен «Легия» арасындағы УЕФА Еуропа лигасы аясында өтетін матч бүгін Астана уақыты бойынша сағат 21.00-де басталады.