$ 444.22 € 476.38 ₽ 4.82
Қыздар арасында Қазақстанның бірінші ракеткасы Зарина Дияс Аустралия ашық біріншілігінің алғашқы айналымынан аса алмады. Сондай-ақ, ерлер арасында өнер көрсетіп жатқан Михаил Кукушкин де жарыс жолынан ерте шығып отыр.
Әлемдік WTA рейтингінде 57-ші орында тұрған Дияс бүгін таңертең америкалық Мэдисон Кизбен (17-орын) кортқа шыққан. Кездесі небәрі 26 минутқа созылды. Есеп: 7:6, 7:1, америкалық теннисшінің пайдасында.
Ал, Михаил Кукушкинді жарыс жолынан португалдық теннисші Жоау Соуза шығарды. Үш сетке созылған кездесу 3:6, 4:6, 3:6 есебімен аяқталды.
Айта кетейік, кеше қазақстандық теннисші Юлия Путинцева даниялық Каролина Возняцкиді жеңіп, екінші айналымға жолдама алған болатын. Ал, бүгін Ярослава Шведова Болгария өкілі Цветана Пиронковамен кездеседі.
