Жаңалықтар 14.06.2020 сағат 14:30

«Мендегі симптомсыз түрі емес»: Денсаулық сақтау министрі де коронавирус жұқтырды

Қазақстандағы жаһандық дағдарыс пен пандемия салдарынан пайда болған проблемаларды шешу үшін қазір көптеген азамат қарқынды жұмыс істеуде.
«Мендегі симптомсыз түрі емес»: Денсаулық сақтау министрі де коронавирус жұқтырды
фото: vkurse.kz
Бөлісу
Бөлісу
Бөлісу

Берік Уәли мен Бекболат Тілеуханды айналып өтпеген коронавирус, Денсаулық сақтау министріне де жұғыпты. Мәселен, Елжан Біртанов коронавирус індетін жұқтырғанын айтып, қазіргі сәтте жұқпалы аурулар ауруханасында жатқанын желідегі парақшасында арнайы жазба жариялады. Бұл туралы Skifnews.kz ақпарат порталы хабарлайды.

Министрдің сөзінше, тұрғындарға бұдан әрі де жайбарақат жүре беруге болмайды, қауіпсіздік талаптарын қатаң сақтаған жөн.
 
"Достар, өздеріңізге жағымсыз жаңалық жеткізуіме тура келіп отыр. Коронавируске тапсырған соңғы тесттің нәтижесі нашар шықты, менен де ауру анықталды. Өкінішке қарай, мендегі симптомсыз форма емес, сондықтан жұқпалы аурулар ауруханасында жатырмын.

Санитарлық шараларды қатаң сақтағаныма қарамастан, бұл індет мені де айналып өтпеді. Әсіресе, қашықтан, үйде отырып жұмыс істей алмайтын қызметкерлерге қиын. Соңғы күндері бірқатар өңірде, оның ішінде кәсіпкер, кәсіпорын, медицина мамандары, мемлекеттік, БАҚ қызметкерлері арасынан індет жұқтырғандар қатары артуда. Қазақстандағы жаһандық дағдарыс пен пандемия салдарынан пайда болған проблемаларды шешу үшін қазір көптеген азамат қарқынды жұмыс істеуде. Бізге жиі жеке кездесулерге баруға, аймақтарға іссапарға шығуға тура келеді, мұндай жағдайда, әрине, COVID-19 жұқтыру қаупі де жоғары.

Сондықтан, барша қазақстандықтан «жеке карантин» ережелерін қатаң сақтауды сұраймын. Достар, аурудың алдын алу шараларына мұқият мән беріңіздер", - деп көпшіліктен коронавирустан жұқтырып алмас үшін қауіпсіздік шараларын сақтауды тағы да өтінді.

Тағы оқи отырыңыз: «Дәрігерлердің толық бақылауындамын»: Бекболат Тілеухан да коронавирус жұқтырып алды

Бекболат Тілеухан әріптестеріне коронавирус жұқтыруы мүмкін бе?

«Жұрт тілін шығарып күлсе, қандай күйде боласың?»: Берік Уәлидің өзі ғана емес ата-анасы да коронавирус жұқтырған

"ТАҒЫ ДА ҚАЙТАЛАЙМЫН:
1. Жұмыста, көлікте, көшеде, дүкенде және т.б. жерлерде мүмкіндігінше арақашықтықты сақтаңыз;
2. Егер сіз офис қызметкері болсаңыз, мүмкіндігінше үйден жұмыс істеуге тырысыңыз.
3.Туыс, достармен онлайн, видео-қоңырау және өзге де жаңа технологиялардың көмегімен байланыс орнатыңыз;
4. Қоғамдық орындарда маска киіп жүріңіз;
5. Қолды кем дегенде 20 секун сабынмен жиі жуып, санитайзермен сүртіңіз;
6. Өзіңіздің және отбасы мүшелерінің температурасын жиі өлшеп тұрыңыз.

Егер бойыңыздан мынадай симптомдарды байқасаңыз: әлсіздік, басыңыз, тамағыңыз ауырса, дене қызуыңыз көтерілсе - дереу дәрігерге хабарласыңыз!

Абай болыңыздар! Баршаңызға зор денсаулық тілеймін!", - деді министр.


 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар