$ 473.15  515.12  5.4

5 жасар Мадинаны іздеу жұмыстарында түрлі-түсті шарлар пайдаланылып жатыр

Бұл іздеу жүйелері үшін сигналдық нұсқа болады. Әр өрісте осы процесті бақылайтын бақылаушылар бар.
Фото: ашық дереккөз
Фото: ашық дереккөз

Қостанай облысында жоғалып кеткен 5 жасар қызды іздестіру жұмыстары әлі жалғасып жатыр. Жедел штаб таңмен әуе патрульдері екі тікұшақ пен бір ұшақтың іздестіруді жүзеге асырып жатқанын мәлімдеді, деп хабарлайды Stan.kz ақпарат агенттігі.

Ұшақтардың бірінде тепловизор құрылғысы бар. Қазір Тобыл өзенінің арнасын да шолу жұмыстары жүргізіліп жатқаны белгілі болды. 

Тағы оқыңыз: Қостанай облысында жоғалған 5 жасар қызды ерікті көріп қалған

Қостанай облысы әкімінің бірінші орынбасары Гауез Нұрмұхамбетовтың қатысуымен жедел Штабтың кезекті отырысы өтті.  

Штаб отырысында егістікке тәттілер мен су қалдырып, оларға шарлар байлау туралы шешім қабылданды. Бұл іздеу жүйелері үшін сигналдық нұсқа болады. Әр өрісте осы процесті бақылайтын бақылаушылар бар. Ауадан бақылау жалғасуда. Кешкі алтыдан кейін баланы іздеуге көмекке келген Рудный дельтаклубының нұсқаушылары алаңдарды жоспарлайды.

Тағы оқыңыз: «Көрші баланы ағаштан түсіріп алған»: Қостанайда жоғалған қызға қатысты тың ақпарат пайда болды

Қазірдің өзінде 12-ден астам алқап әуеден, 8 алқап жаяу қаралған. 

Іздеу аймағы тексерілген жерлерді ескере отырып төрт бөлікке бөлінген:

  • Жамбыл ауылы – Тобыл өзені;
  • Алтын дала елді мекені;
  • Қостанай қаласы;
  • Самир ауылы.

Еске салсақ Қостанай облысында бес жастағы қыз жоғалып кеткен болатын.

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары