Алматыдағы ұшақ апатында жүкті әйелді құтқарған жас жігітке марапат берілді (ФОТО)

Бүгін таңертең Алматы полиция департаментінің ғимаратында Қазақстан Республикасы Ішкі істер министрінің бұйрығымен полиция генерал-майоры Серік Күдебаев 23 жастағы Темірлан Кадауовты «Төтенше жағдайлардың алдын алуда және жоюда үздік шыққаны үшін» медалімен марапаттады, деп жазады Skifnews.kz ақпарат порталы.

Естеріңізге сала кетейік, алматылық Әсем Жапишева Темірланның ерлігі туралы Facebook-парақшасында жазды. Ел басына күн туғанда ерлік танытқан бұл азаматтың әрекеті халықтың жүрегін елжіретіп, жанға жылулық сыйлады.

Жас жігіт төтенше жағдайда қорқынышқа ерік бермей, жанындағы жүкті әйелді денесімен жауып, аман алып қалды.

Сонымен қатар, жігіт жарақат алғанына қарамастан, жедел қызметтер келгенге дейін басқа жолаушыларды эвакуациялауға көмектесті.

«Темірлан Кадауов - бұл марапатқа әбден лайық. Халықтың ризашылығын алған нағыз азамат, ерлік жасады», - деді полиция өкілі.

Бортында 95 жолаушысы бар Bek Air ұшағы 27 желтоқсанда таңертең апатқа ұшырады. Президент Қасым-Жомарт Тоқаев қаза тапқандардың отбасына көңіл айтып, жауаптыларды жазалауға уәде берді. 
Апат салдарынан қаза тапқандардың саны 14-ке жеткенін жазған болатынбыз. 

Кейіннен ұшақта болған 93 жолаушының толық тізімі жарияланып, зардап шеккендер жедел түрде ауруханаға жеткізілді. Осы оқиғаға байланысты елбасы Нұрсұлтан Назарбаев та қаза тапқандардың отбасына көңіл айтты. Қазіргі уақытта барлық қан тобына донорлар іздестіріліп жатыр. 

Соңғы ақпаратқа сүйенсек, апат кезінде қаза тапқандардың саны 15-ке жетті. Оның ішінде Informburo.kz ақпарат агенттігінің журналисі Дана Круглова, Қазақстан генералдар кеңесінің төрағасы болған. 

"Bek Air" әуекомпаниясы ресми сайтында Алматыдағы ұшақ апатына қатысты мәлімдеме жасады. 

Президенттің бұйрығымен 28 желтоқсан "Жалпыұлттық аза тұту" күні деп белгіленді.