$ 443.85 € 474.3 ₽ 4.8
«Барселона» футбол клубының және Аргентина ұлттық құрамасының шабуылшысы әлемдегі ең қымбат көлік - 1957 жылы шығарылған Ferrari 335 S Spider Scaglietti спорткарын сатып алды деп жазады Bleacher Report.
Аталған автокөлік Париждегі аукционда сатылған. Әйгілі футболшы оған 32 миллион еуросын жұмсағаны белгілі болып отыр. Көлік бұған дейін италиялық кәсіпкер, тұрғын үй нарығының агенті Алессандро Протоға тиесілі болған. Дереккөздің хабарлауынша, аукционға мадридтік «Реалдың» шабуылшысы Криштиану Роналду да қатысып, Мессимен бірге біраз саудаласқан көрінеді. Алайда, Роналду спорткар үшін мұншама үлкен қаражат жұмсамайтынын білдірген екен.
Айта кетейік, дәл осы автомобильмен 1958 жылы британдық Стирлинг Мосс Кубадағы «Формул-1» бас жүлдесін жеңіп алған болатын. Сондай-ақ, дәл осы көлік өзге де ірі жарыстарға қатысып, топ жарған.
Ал, Мессидің бұл осымен үшінші эксклюзивті спорткары. Бұған дейін футболшы Maserati GT Stradale және Audi R8 Spyder көліктерін сатып алған болатын. Екеуінің жалпы бағасы 517 мың еуроны құрайды.
