$ 475.03  517.21  5.44

«Танымалдық – заңсыздыққа жол беретін құдырет емес»: Мәдениет министрі өнер адамдарының қамауға алынуы жайлы

Заң мен Ұрпақ алдындағы үлкен жауапкершілігін түсінуі керек. 

Фото: Ақорда
Фото: Ақорда

Мәдениет және ақпарат министрі Аида Балаева соңғы уақытта бірінің артынан бірі қамауға алынған өнер адамдарына қатысты пікір білдірді,деп хабарлайды Skifnews.kz ақпарат порталы.

Facebook парақшасында ойымен бөліскен министр пендешілік барлық адамға тән екенін, бірақ бұл заңды аттап басуға себеп емес екенін айтты.

Қоғамды қарыштап өсіретін де, тұқыртып өшіретін де - мәдениет. Мәдениет тек өнер мен білім, озат талғам пен тазалық емес. Бұл, ең алдымен, адамның ішкі руханияты, халықтың өркениеттік болмысы. Ендеше, сол мәдениеттің туын көтеріп, өнердің тасын өрге домалатып жүрген әрбір майталман - елге үлгі, қоғамға бағдар болуы шарт. Өкінішке қарай, соңғы кезде мәдениет саласындағы белгілі азаматтарға қатысты жағымсыз оқиғалар, кейде тіпті заңсыз әрекеттер жиілеп кетті. Әрине, жеке-дара адам ретінде, қарапайым азамат ретінде кімге болса да пендешілік тән қасиет. Адам болған соң қателесуің мүмкін, бірақ оның арты заңды аттауға бармауға тиіс, – деді ол.

Аида Балаева мәдениет қайраткерлері лауазымы мен танымалдылығына қарамастан заң алдында басқа халықпен бірдей екенін ескертті.

Өзін нағыз “мәдениет қайраткерімін” дейтін жан үшін танымалдық заңсыздыққа жол беретін құдырет емес. Олар қашанда ұлт мәдениеті дамуының қозғаушы күші саналады. Сондықтан олардың көпке ықпалы тек өнеге, насихат, жақсылыққа арқау болуы тиіс. Мәдениет қайраткерлері Заң мен Ұрпақ алдындағы осынау үлкен жауапкершілігін түсінуі керек. Бұл мемлекет басшысының барша қазақстандықтардан талап етіп отырған бірегей үндеуі. Лауазымына, танымалдылығына, қоғамдағы орнына қарамастан, заң бәріне ортақ. Ал мемлекет осы қағиданың мүлтіксіз орындалуын қамтамасыз етеді. Сөз жоқ, Ұлы Абайдан бері келе жатқан қоғамдағы надандықпен күрестің алдыңғы шебінде мәдениет майталмандары жүруі тиіс. Осы орайда мен баршамызды осыны ұмытпауға шақырамын! Біз құқықтық тәртіп пен өзара құрметке негізделген әрі мәдени құндылықтарымызды қастер тұтатын қоғамды бірге құра аламыз. Және бұл біздің болашағымыздың берік негізі бола алады деп сенемін, – деп түйіндеді министр.

ОҚИ ОТЫРЫҢЫЗ: «15 күн дайындалады»: Тұрсынбек Қабатов Қайрат Нұртастың қамауға алынуы туралы әзілдеді (ВИДЕО) 

Қайрат Нұртас cотталып кетті

«Төлеуге дайынмын»: Астанада Қайрат Нұртастың соты онлайн өтіп жатыр

Әбдіжаппар Әлқожаның ұсталған сәті түсірілген видео тарады

Тұрсынбек Қабатов қамауға алынды

 

 

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары